Il guaud da colurs

Ina giuvna firma svizra cumbinescha la veglia tradiziun da raquintar istorgias cun las pussaivladads da la digitalisaziun. Cun paucs clics pon geniturs, tats e tattas, madritschas e padrins determinar sezs il protagonist da l’istorgia e tscherner tranter differentas linguas. L’istorgia ans maina en in guaud magic nua ch’ils animals èn fitg trists. La veglia stria ha striunà davent tut las colurs en il guaud. Tut è grisch e somber. La figura principala, il mat u la matta, gida lura la stria da clamar enavos las colurs.