Simsalabim en l’internet –

www.simsalabim.rtr.ch: Quai è l’adressa d’internet da Radio e Televisiun Rumantscha (RTR) per tut ils uffants rumantschs. La pagina cuntegna istorgias, purtrets, gieus, tun e maletg. Fin l'onn 2008 è quella pagina stada integrada en la pagina dad RTR. Da nov è la pagina independenta cun in vestgì e cun cuntegns spezialmain per uffants. Il striun ZipZap e ses giat Min mainan ils uffants tras las differentas rubricas.