Paraulas da Grimm 3

«Grettina!», ha sbragì la stria, «va per aua! Gionin po esser grass u magher, damaun al vi jau mazzar e magliar!» Uschè brutal tuni magari en las paraulas dals frars Grimm. Ma adina gudogna il bun: la nauscha stria ch'ha tegnì en fermanza Gionin e Grettina arda en ses agen furn; Rosaspina ch'ha durmì tschient onns vegn spendrada dal prinzi; ils musicants da Brema, animals che n'èn apparentamain pli buns per nagut, tementan ils laders; Alvina e Rosetta, las duas mattettas prusas, vegnan salvadas da l'urs che sa mida per finir en in prinzi.