Memori da las quatter stagiuns

Tge, anc in memori dapli, era sch'i dat gia memoris a sfratg? Gea! Quest memori è numnadamain in memori tut particular. Ins al po giugar da differenta maniera, cunquai ch'el cumpiglia trais sorts da cartinas: cartinas cun maletg, cartinas cun maletg e text e cartinas cun text. Cun giugar trenesch'ins damai la memoria ed il medem mument emprend'ins era pleds rumantschs. La cumbinaziun da maletg e text promova en pli tia abilitad da leger. Il memori sa drizza ad uffants ed a famiglias, però er a persunas che emprendan rumantsch. Il gieu pon ins era dar sulet.