Raunas empagliadas

A la riva dal sid dal Lai da Neuchâtel datti il pli curius museum da la Svizra – il Museum da las raunas d’Estavayer-le-lac. Tge ch’i dat da vesair: 108 raunas empagliadas. Las raunas sesan qua en la stanza da scola, en il scriptori u en l’ustaria. Ellas mangian spaghettis, dattan bigliard u giogan a chartas ed ina va perfin a chaval sin in stgilat. Quai datti propi da vesair – betg per nagut è quest museum il pli curius da la Svizra.