Las pli bellas paraulas da Grimm

L’onn 1812 han ils frars Jacob e Wilhelm Grimm edì l’emprim tom cun paraulas per uffants cun il titel «Kinder- und Hausmärchen». Quatter da las paraulas las pli popularas cumparan ussa sin il 16avel disc da la seria TOP KIDS da RTR e da la LR: Alvetta, Il retg-rauna, Maisina, t’emplaina! e La chapitscha cotschna. La raquintadra Flurina Badel maina en in mund magic, nua che raunas daventan prinzis, asens chajan aur e lufs san discurrer.