Grafolino

Grafolino è in sistem nov per mussar ed emprender a moda cumplessiva a furmar ina scrittira a maun che sa cunfa cun las midadas da nossa cultura. Il concept vegn cumplettà tras in accumpagnament metodic ch'è independent da scrittiras da scola e ch'integrescha il svilup dal scriver da la vegliadetgna prescolara fin a la scrittira persunala madirada da creschids. Il sistem per mussar ed emprender pon ins applitgar en scola sco er a chasa en la sfera privata. Grafolino tira a niz las schanzas da l’èra digitala, n’emblida però betg la cumponenta manuala da l’emprender a scriver. L‘ App guida ils emprendiders sin trais stgalims tar ils moviments fundamentals da la scrittira a maun: emprender, trenar e tests.