Via da l'aua Parc Ela

La via da l’aua maina sur set kilometers per lung da l’Alvra en lieus per pussar, smirvegliar ed observar. Ruta: Bogn d'Alvagni – staziun d'Alvagni – viaduct da la Val da Ferrera – Zinols/Guaud da Rözen – Bogn d'Alvagni. La mappa d’infurmaziun è in agid per scolastas e per scolasts che vulan passentar cun lur classa in di sin la via da l’aua. Ella cuntegna infurmaziuns, gieus, pensums d’observaziun e da perscrutaziun per las scolaras e per ils scolars dal stgalim primar e secundar. La persuna d'instrucziun decida sezza tge documents ch'èn adattads per sia classa ed adattescha ils cuntegns al stgalim da sia classa. A la fin da la broschura chattais Vus in di da model che mussa, co che Vus pudais organisar Voss di sin la senda da l’aua.