Scuvrir l'istorgia

Cun il chastè da Prangins han ils chantuns Vad e Genevra surdà a la Confederaziun l'onn 1975 in edifizi adattà per laschar realisar in giavisch daditg desiderà: la constituziun da la sedia romanda dal Museum naziunal svizzer. En quest chastè è vegnida creada in'exposiziun permanenta davart l'istorgia svizra tranter 1750 e 1920. La publicaziun accumpagnanta è in cudesch da 173 paginas illustrà ritgamain ed en colur. El infurmescha davart il chastè ed il museum, ma preschenta er las epocas menziunadas en text e maletg. Or dal cuntegn: illuminissem: il siemi d'in mund raziunal; la revoluziun; il stadi federal; il progress sco sfida; la Svizra ed il mund.