Parasols

Entaifer il gener dals parasols datti era differentas spezias pli pitschnas. Quellas sorts n’han dentant nagina valur nutritiva. Per distinguer il vair parasol gigantic datti in segn fitg caracteristic: il culier sa lascha mover libramain – sco in anè – vi dal pe dal bulieu. Il bulieu sez è fitg grond e furma da giuven ina mazza da tambur. Sin la pel dal chapè sa furman stgaglias. Il parasol variclà ha sin la surfatscha variclas quasi nairas e n’è betg mangiabel. Quest bulieu è era pli pitschen, ha in pe pli curt e l’anè na lascha betg sa mover dal pe si e giu.

(Foto: User:Strobilomyces / CC BY-SA 3.0)