Cussegl da l'Europa

Il Cussegl da l’Europa è vegnì fundà l’onn 1949 sco organisaziun politica. Oz fan radund 50 stadis europeics part da questa organisaziun cun sedia permanenta a Strassburg. Las finamiras dal Cussegl da l’Europa èn la protecziun dals dretgs umans ed il sustegn da la democrazia. Plinavant vul el promover la schientscha communabla per la cultura e l’identitad europeica. Il Cussegl s’engascha er per la protecziun da las minoritads en l’Europa.