Ramadan

Il ramadàn è insumma l’unic mais dal chalender islamic ch’il Coran numna. Durant lez mais en l’onn (cristian) 610 ha in um d’affars arab fatg atras in’experientscha che ha midà l’istorgia mundiala. Mintg’onn en quella stagiun aveva’l per disa da sa retrair en in cuvel sisum il culm Hira, gist ordaifer Mecca, nua ch’el urava, giginava e deva almosnas als paupers. Gia daditg sa fascheva’l quitads pervi da quai ch’el resentiva sco ina crisa da la societad araba. Quella notg da ramadàn è Muhamad sa dasdà, dumagnà d’ina preschientscha ch’al strenscheva, fin ch’el ha dudì ils emprims pleds d’in nov cudesch sontg cular da ses lefs. [Tenor LQ].

(Foto: Kmhad / CC BY-SA 3.0)