Toni Halter

Toni Halter è naschì il 1914 a Valata (vischnanca da Sursaissa) ed è mort il 1986 a Vella. El è stà blers onns scolast primar e secundar a Vella. Suenter raquints per la giuventetgna («Nus ed il Schuob», 1954), gieus festivs («Il festival de Porclas», 1951) e dramas istorics («General Demont», 1962), ha Halter publitgà trais romans impurtants: «Culan de Crestaulta» (1955), ina fabla preistorica, «Il cavalè della Greina» (1960), ina legenda istorisanta, e «Caumsura» (1967), in roman dal temp che tracta d’emigraziun e return. Las collecziuns da raquints «Fein selvadi» (1973) e «Diari suenter messa» (1977) s’occupan da tradiziun e modernitad. [Tenor e-lir].