Saut dals morts

Il saut dals morts è in'interpretaziun allegorica d'in saut da figuras femininas e masculinas cun la mort, represchentada sco skelet. Il saut dals morts illustrescha la tema generala da la mort e la nunpussaivladad da prevegnir a quella. Perditgas litteraras existan gia dal 14avel tschientaner (poems, chanzuns). Iconograficamain è il saut dals morts attestà en Svizra dapi il 15avel tschientaner. Dal 1543 datescha ina seria da 36 maletgs, realisada tenor in model da Hans Holbein il giuven en il chastè episcopal a Cuira. Il pli vegl exempel litterar rumantsch è la copia ladina da Jan Polin Jecklin, intitulada «Lg Ball dals moarts» (Zuoz 1605). [Tenor e-lir].