Naschì per leger

Mintg’uffant dovra nutriment per pudair crescher. Per el èsi impurtant d’avair insatgi che discurra cun el e taidla quai ch’el ha da dir. Davent da l’emprim di enconuscha Voss uffant Vossa vusch. El taidla ils tuns ed ama la musica, las chanzuns ed istorgias. El taidla cun bucca e nas, cura che Vus al raquintais insatge. El vul chapir quai che Vus schais e vul emprender da furmar sez frasas e pleds.Cun in cudesch d’istorgias illustrà sfundrais Vus e Voss uffant en in mund dafantasia. Cudeschs accumpognan Vus e Voss uffant sin numerus viadis en l'universda la lingua. Tut quai che Vus faschais ussa per Voss uffant al sustegna en ses svilup e furma la basa per si’entira vita.