Mintga utschè ha ses clom individual. Pli cumplitgà ch'in clom u in chant è e pli difficil ch'igl è d'imitar quel. Gnanc il cot vegn da chantar dapertut tuttina. En terra rumantscha chanta el per ordinari kikeriki, en Frantscha fa el cocorico. E la quacra? Ses chant caracteristic sa cumpona da trais tuns successivs cun in accent ferm sin l’emprim e sin il terz tun. Exprimì cun la silba «ta» tuna quai circa: «táa-tatá». La fantasia creativa rumantscha fa or da quests trais tuns in «fúf-fadútg», in «sách-badách» ed in «quít-squilát», e gia avain nus trais bellezza nums per la pitschna giaglina selvadia. Questa ed autras scuvertas linguisticas porschan ils texts en agiunta.
(Foto: Ralf Ottmann / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
