Bruno Blogg

Rimnada da las columnas da l'autura u da l'autur anonim «Bruno Blogg» cumparidas en La Quotidiana. «In blogger sun jau, betg in bist static ed immovibel. Bloggar n'ha da far nagut cun bloccar, il cuntrari. Il mund è sa midà, sa modernisà. Las novas pussaivladads communicativas lubeschan a mintgin da s’exprimer public, da far attent a l’atgna opiniun, da sa conversar cun il mund preschent en la rait electronica, da muventar. Jau sun enconuschent sco Bruno Blogg e conversesch cun mes enconuschents e main enconuschents via facebook e twitter.»