La chasa gronda

Jau hai vieut il chau, e lura hai jau mo vis pli insatge nair crudar sin mai. Da pli bler na ma regord jau betg. Sco ils auters han quintà pli tard, era vegnì liber in crap, e sco sche quel avess gì dad ademplir ina prescripziun, era el rudlà plaunet da la spunda giu directamain sin mai. Jau saja crudà enavos sur la senda, senza vita sco in toc lain e saja ruclà da la spunda giu.