Difficultads cun la memoria?

La demenza è in sindrom medicinalmain bain definì: i sa tracta d’in donn dal tessì dal tscharvè che maina ad ina reducziun da las capacitads mentalas. La furma la pli enconuschenta da la demenza e la malsogna Alzheimer. Tar persunas sut 65 onns èn ils cas d’ina demenza fitg rars. Els s’augmentan però cun la vegliadetgna. Da las persunas tranter 65 e 75 onns èn var 1.7% pertutgadas. A partir da 75 onns pateschan 13.5% d’ina demenza, quai è mintga setavla persuna. En Svizra vivan oz bunamain 100’000 persunas cun ina demenza.