Vuorz è in vitg construì lung la via sin ina terrassa sin la spunda nord dal Rain Anteriur. Il num tudestg Waltensburg sa referiva oriundamain al chastè da Munt S. Gieri. En il conturn da Vuorz sa chattan trais ulteriuras ruinas da chastels medievals: Chischlatsch, Grotta e Cafoghel. Il 1526 ha Vuorz adoptà, sco unica vischnanca da la part sura da la Surselva, la cretta refurmada. La baselgia parochiala da S. Leodegar è renumada per ils frescos gotics dal Maister da Vuorz (realisads tranter il 1350 ed il 1450). Il 2018 ha Vuorz fusiunà cun Andiast e Breil a la vischnanca da Breil/Brigels. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
