Malix

Il territori da Malix era suttapost a la dieschma dal chapitel catedral da Cuira; la claustra da S. Gliezi/Cuira e, il pli tard dapi il 1208, l'abazia da Curvalda possedevan là bains. Il chastè da Strassberg datescha da la segunda mesadad dal 12avel tschientaner. La populaziun, che discurriva anc rumantsch enturn il 1570, viveva da l'allevament da muvel, da la cultivaziun dad ers e dal traffic da transit. Dapi la segunda mesadad dal 20avel tschientaner è l'aclaun da Brambrüesch vegnì explotà per il turissem. Malix appartegna oz a l'aglomeraziun da Cuira e fa part dapi il 2010 da la vischnanca da Churwalden. [Tenor e-lir].

(Foto: Adrian Michael / CC BY-SA 3.0)