Dretg da votar da las dunnas

L'emprima proposta da francar il dretg da vuschar da las dunnas en la Constituziun federala datescha dal 1874. Suenter la refusa il 1959 ha il suveran svizzer acceptà quest dretg il 1971. Suenter il na dal 1968 han ils umens grischuns approvà l'onn 1972 il dretg da votar da las dunnas sin plaun chantunal e cirquital. Gia l'onn 1962 han ils votants dal Grischun autorisà las vischnancas d'introducir il dretg da votar da las dunnas sin plaun communal. Fin il 1981 avevan però mo 191 da las 213 vischnancas grischunas recepì quest dretg en lur constituziuns. Las ulteriuras vischnancas èn alura vegnidas sfurzadas da far quel pass tras votaziun chantunala dal 1983. [Tenor e-lir].