Il di da la mamma

Cumenzà hai cun Ann Jarvis, ina dunna americana. Il di da la mort da sia tant amada mamma ha ella engirà da procurar che quel di daventia in di d’onur per tut las mammas dal mund. Ella è s’engaschada per quest’idea nov onns la lunga instancablamain tant che il 1914 il president dals Stadis Unids da quellas uras ha declerà ils 9 da matg, u la segunda dumengia da matg uffizialmain sco «di da la mamma». Paucs onns pli tard ha Ann Jarvis stuì constatar che sia idea vegnia interpretada autramain che previs. Tants han cumenzà a profitar dal «di da la mamma». Ella ha purtà plant davant dretgira, ma pers in prozess suenter l’auter.

(Foto: Dave Parker / CC BY 2.0)