Egualitad pir dapi l'onn 1971

La Svizra ha introducì il dretg da votar da las dunnas sco in dals ultims pajais insumma. Pir dapi l’onn 1971 pon las dunnas votar ed eleger e sa laschar eleger sin plaun federal. Vad e Neuchatel han introducì il dretg da votar da las dunnas l’onn 1959 ed èn uschia stads ils emprims sin plaun chantunal. Il pli ditg opponì encunter ha il chantun Appenzell Dadens. El ha introducì il dretg da votar da las dunnas pir l’onn 1990, sin decisiun dal Tribunal federal.