Cla Biert (1920-1981)

Cla Biert ha passentà l'uffanza a Scuol. Suenter il seminari scolastic a Cuira ed il studi da magister secundar ha el instruì a Ftan 1947-51, a Zuoz 1951-56 ed a Cuira 1956-75. L'ovra principala da Cla Biert, il roman «La müdada» (1962), tematisescha il midament rasant d'ina societad purila tradiziunala ad ina societad pluralistica dal suenterguerra. Las descripziuns minuziusas da la vita dal vitg en tut sia varietad sociala, culturala e linguistica dattan al roman il caracter d'in vast inventari etnologic. [Tenor e-lir].