Munds da linguas

Il rumantsch sveglia bler interess e simpatia. Ma da la vita quotidiana linguistica en il Grischun rumantsch san persunas d’ordaifer per ordinari be pauc. Co vivan persunas da lingua rumantscha en il Grischun lur situaziun linguistica? Tge relaziun han els cun lur lingua materna periclitada, tgenina cun la lingua tudestga dominanta? La publicaziun «Sprachwelten – Munds da linguas» da Renata Coray e Barbara Strebel, cumparida il 2011, contribuescha a meglierar questa situaziun: Diesch persunas dal Grischun rumantsch raquintan da lur vita e da lur experientschas cun linguas.