Svilup e metamorfosa

Sch'ins planta in fav en la terra, cumenza el a chatschar ed a crescher. Pli tard sa furman ils fegls e las flurs. La planta na vegn betg mo pli gronda, ella mida era sia furma. Il svilup e la metamorfosa da la tgiralla èn impressiunants. Da l'ov sorta ina pitschna rasulauna. Quella crescha, fa ina poppa e sa mida en ina tgiralla giaglia e sgulanta. Svilups betg main fascinants succedan cur ch'il vadè crescha en il venter da sia mamma ed il pulschain sa sviluppa en l'ov. [Tenor Biologia].