La rauna verda pitschna abitescha en blers differents lieus umids ed evitescha sulettamain lieus sumbrivauns e frestgs. Las pli grondas populaziuns chatt’ins oravant tut a l’ur da lajets, en puzs da turba, palids bassas e puzs pli gronds cun blera vegetaziun. Ella n’è betg liada uschè ferm a l’aua sco sias parentas, la rauna verda gronda e la rauna verda da puzs. Il dumber da raunas verdas pitschnas è sa diminuì fermamain en consequenza da las correcziuns da lais e dals currents d’aua. Ella para dentant da s’adattar tgunsch a novs ambients e duess damai pudair sa mantegnair a lunga vista.
(Foto: Sebaho / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
