La ruina sa chatta a Putz (vischnanca da Luzein) e furmava in’impurtanta chastellania. L'origin dal chastè, situà sin in plateau grippus, n'è betg dal tuttafatg cler. Si'extensiun e la tur isolada dal mir da tschinta permettan da datar el avant il 1200. L'implant lunghent è circumdà d'in mir exteriur, las parts las pli veglias dal qual dateschan probablamain dal 12avel/13avel tschientaner. En il 14avel tschientaner furmava Castels il center dal domini dals signurs d'Aspermont. Il 1496 è il chastè daventà il center politic ed administrativ dals Austriacs en il Partenz. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
