«Marellas»

L’emissiun «Marella» dal Radio Rumantsch è sa sviluppada il 1998 or da l’emissiun precedenta «Scuntrada». Sin la pagina d’internet da RTR preschentan las redacturas ed ils redacturs da la Marella lur lavur sco suonda: «Nus dain in cuc davos las culissas, explitgain e mettain en in context – sajan quai fenomens novs u istorgias pauc enconuschentas.» Chattà.ch preschenta, en urden tematic, ils cuntegns da las emissiuns dals onns 2001–2015 ch'èn accessiblas en la Biblioteca chantunala sin disc cumpact.