La vischnanca da Falera è situada a 1218 m sin ina terrassa da la vart sanestra dal Rain Anteriur. A Muota, al sidvest da la terrassa, è vegnida scuverta parzialmain ina culegna dal temp da bronz. Las retschas da megalits al sid da la Muota èn probablamain relicts d'in center preistoric dal cult dal sulegl. A l'ur da la chavorgia da Schluein sa chattava il chastè dals signurs de Chischlatsch. Sut l'influenza da Lags e Flem è il vitg puril rumantsch sa transfurmà suenter il 1965 ad in lieu turistic cun access a la regiun da skis da l'Arena Alva. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
