Bagat – producziun da teater

Bagat, quai è il num da l'emprima charta dal gieu da troccas. Bagat pon ins era dir ad in argient viv. «bagat – producziun da teater» è dentant era il num d'ina nova organisaziun da teater professiunala, fundada sin iniziativa dal teatrist Roman Weishaupt ensemen cun la reschissura Claudia Carigiet e l'istoricra Anne-Louise Joël. L'actur David Flepp e l'actura Annina Sedláček cumpletteschan la gruppa. Bagat cultivescha il teater en lingua rumantscha ed incumbensescha teatrists e teatristas rumantschas d’elavurar tocs da teater en lur lingua materna. Las producziuns professiunalas per in public giuven e famiglias vegnan represchentadas en tut la Rumantschia.