Terratrembels

La surfatscha da la terra sa cumpona da plattas tecnonicas che sa spostan ina cunter l'autra. Als urs da las plattas datti terratrembels, cura che las tensiuns surpassan la capacitad da resistenza dal material. Ils terratrembels èn il resultat da la ruttadira brusca dal crap. Pertge datti terratrembels en Svizra? La platta africana rotescha en direcziun cuntraria a l'ura, e perquai che l'Italia e l'Adria fan part da questa platta, è la regiun alpina suttaposta ad ina pressiun da sid. Il Servetsch Seismologic Svizzer (SED) registrescha cun sia rait da staziuns var 500 terratrembels l'onn; da quels vegn dentant mo in bun tozzel percepì da la populaziun.