Arge Alp

L'Arge Alp è vegnida fundada l’onn 1972. En tut l’Europa è ella stada l’emprima uniun cumparegliabla d’unitads statalas ed autonomas ch’è sa furmada sin il plaun sut ils stadis naziunals e federals. Cun ina collavuraziun transcunfinala ha l'Arge Alp la finamira da tractar ils interess cuminaivels da ses commembers, cunzunt en il sectur cultural, social, economic ed ecologic. Plinavant vul l'Arge Alp svegliar la conscienza per la responsabladad cuminaivla per il spazi da viver alpin.