Baselgia da S. Paul a Razén

I n’è betg documentà, cura che la baselgia da S. Paul a Razén è vegnida construida. La part la pli veglia datescha dal 12avel u dal 13avel tschientaner ed era considerablamain pli pitschna. Il cumenzament dal 14avel tschientaner è l’edifizi vegnì engrondì cun il mortuari. In tschientaner pli tard èn las duas navs vegnidas unidas sut in tetg ed engrondidas vers vest. Ils dus arvieuts dals chors èn vegnids unids pir il 1620. Las picturas muralas (tranter auter dal Maister da Vuorz) dateschan da differentas epocas. Las pli veglias èn dal 13avel, las pli novas dal 17avel tschientaner. Da quel temp derivan er ils trais altars ed il palantschieu sura da lain en il chor unì. [Tenor Pro Patria].

(Foto: Adrian Michael / CC BY-SA 3.0)