La pictura dal temp medieval

Il temp medieval aveva ina predilecziun speziala per la tipologia, ina furma ciclica che confrunta ils eveniments dal Vegl e dal Nov Testament che sa correspundan en l’istorgia da salit. Ella na dominescha betg sulettamain il maletg, mabain er l’exegesa scritta e discurrida, il tractat e la pregia. Perquai porta quest tom da la retscha «Ars Helvetica» il suttitel «L’istorgia dal salit en il maletg.» Partind dal gener fa el resortir las particularitads da la pictura medievala en la Svizra d’ozendi ed en ils territoris cunfinants. L’intschess tractà po vegnir circumscrit cun ils territoris dals uvestgieus medievals da Cuira, Constanza, Basilea, Besançon, Losanna, Genevra, Sion, Aosta, Como e Milaun. [Tenor AH V].