Zonas umidas en Svizra

La Svizra vegn savens considerada sco il «chastè d’aua da l’Europa». Grazia a sia posiziun en il center da las Alps èn las precipitaziuns particularmain abundantas ed alimenteschan curs d’aua impurtants en tuttas quatter direcziuns: il Rain al nord, il Tessin al sid, il Rodan al vest e l’En a l’ost (flum lateral dal Danubi). La Svizra è damai zunt ritg da zonas umidas. Malgrà questa ritgezza d’auas na dastg’ins emblidar ch’ils biotops umids èn sa diminuids considerablamain en lur surfatscha durant ils davos 100 onns. Cun sia broschura vul l’Uffizi federal da l’ambient, dals guauds e da la cuntrada render attent a quest fatg e sensibilisar per ils problems che sa tschentan per la protecziun e tgira da las zonas umidas.