Nilou

Nilou è ina giuvna che viva a Teheran e siemia d'ina vita en Svizra. D'in martgadant sin via cumpra ella in manual per emprender la lingua svizra. Ella emprenda quella lingua ed arriva in di a Turitg, nua ch'ella realisescha che nagin chapescha ella. La raschun: Nilou ha emprendì rumantsch. Cun l'agid d'ina dunna rumantscha datti dentant tuttina in happy end, in vaira dultsch e plain clischés – tipic per ina paraula. Il reschissur dal film è Amir Hamz, in Iranais che è creschì si en Germania ed en Svizra. Discurrì iranais (cun suttitels rumantsch grischun), tudestg e sursilvan. [Tenor rtr].

(Foto simbolica: Steve Evans from Citizen of the World / CC BY 2.0)