Fracstein

Fracstein è ina ruina situada en la vischnanca da Sievgia (Seewis im Prättigau). Il chastè da grotta consistiva d'in edifizi d'abitar fortifitgà da quatter plauns, il mir da serra cun staziun da duana a la Landquart, la baselgia da s. Aper e l'abitaziun dal plevon al pe da la paraid-crap. En la liadira dal local d'abitar e da represchentar al terz plaun èn conservads sgrafits dal temp enturn il 1300. Fundà a la fin dal 12avel tschientaner, è il vast cumplex passà il 1466 a l'Austria e pauc pli tard è el vegnì bandunà; la baselgia dal chastè è vegnida utilisada fin ca. il 1530. Enturn il 1570 era Fracstein gia ina ruina. [Tenor e-lir].

(Foto: Adrian Michael / CC BY-SA 3.0)