Il quadrin didactic

Il 2002 han ils dus docents da didactica Rico Cathomas e Werner Carigiet publitgà in’introducziun en la didactica da linguas entitulada «Il quadrin didactic». Punct da partenza furman las quatter capacitads linguisticas ed ils tschintg fin set nivels linguistics. Quels vegnan colliads ad ina «rait linguistica». En in segund pass vegnan vitiers princips ch’èn sa cumprovads en la didactica generala. En in ulteriur pass vegnan quests elements cumbinadas cun il model d’acquist d’ina (segunda) lingua tenor Cummins.