Il num da Lorena deriva dal latin medieval «Lotharingia», num da l’intschess ch’il patg da Verdun (843) ha attribuì a l’imperatur Lotar (795–855) or da l’ierta da ses tat Carl il grond. En l’otgavel e novavel tschientaner eran Metz e Verdun ils centers spiertals ed economics d’ina vasta regiun che ha lura sa cristallisada sco Lorena. Plirs Lorenais dal tschientaner passà chapivan l’atgnadad da lur regiun renana situada amez l’Europa tranter Frantscha e Germania. Il Lorenais germanofon Robert Schuman (1886–1963), primminister franzos pliras giadas tranter 1946 e 1956, è stà in dals fundaturs da quai che ha num oz Uniun europeica. [Tenor LQ].
(Charta: TUBS / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
