La vischnanca da Giuvaulta (Rothenbrunnen) è situada lung la via da la vart dretga dal Rain Posteriur, cun la curt da Ravetg. En il 12avel respectivamain 13avel tschientaner èn vegnids erigids ils chastels da Hoch- ed Innerjuvalt. Giuvaulta era in lieu da passadi a la ruta da transit a dretga dal Rain. Il 1828 è vegnida construida l'emprima punt sur il Rain ed a partir dal 1836 è succedida ina correcziun dal Rain. La funtauna da jod e da fier, che vegn menziunada gia da Johann Jakob Scheuchzer e ch'ha alimentà in bogn da cura fin il 1922, ha dà a la vischnanca il num tudestg. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
