Ils cuacotschnas èn utschels cuaders ils pli derasads en Svizra; els cuan en las planiras e sin autezzas da fin 3200 m. Ils mastgels cun la coluraziun da creschì na chantan betg mo la primavaira, mabain era l'atun e defendan anc ils mais d'october lur revier e lur partenaria cunter rivals. Ils mastgels dad in onn èn savens anc colurads sco las femellas e vegnan tolerads en il revier dals mastgels creschids. Ils cuacotschnas èn levamarvegl: cun lur chanzunetta sgriztganta cumenzan els mintga damaun il concert da primavaira.
(Foto: Ken Billington / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
