Charles de Gaulle

Charles de Gaulle (1890-1970) è stà in general e politicher franzos. Durant la Segunda Guerra mundiala ha el manà la resistenza franzosa cunter l’occupaziun tudestga. Silsuenter è el stà dal 1944 al 1946 schef da la regenza provisorica. En il decurs da la Guerra d’Algeria è el vegnì incumbensà il 1958 da furmar ina regenza. En rom da quai ha el realisà ina refurma da la constituziun, la quala dueva daventar il fundament da la Tschintgavla Republica. Dal 1959 fin il 1969 è el stà l’emprim president da quella.

(Foto: PD via Wikimedia Commons)