Chasa dals chantuns

Dapi l’onn 2008 disponan ils chantuns d’ina atgna sedia a la Speichergasse 6 a Berna. La «Chasa dals chantuns» munta in cler confess a la cooperaziun federativa dals 26 chantuns. Finamira da l'instituziun chantunala a Berna è da crear en la chapitala svizra in ferm center da cumpetenza per ils chantuns e da procurar per ina preschientscha communabla envers la confederaziun e las instituziuns privatas impurtantas. [Tenor ANR].