Paintg, paintg culà e margarina

Per far paintg vegn tratga groma en la panaglia. Tras quai vegnan las particlas che furman il grass da latg ruttas, uschia ch’il grass po sortir libramain e furmar ina massa. Il liquid che resta enavos suenter ch’ins ha prendì il paintg or da la panaglia è il penn cun ina cumpart da grass restanta da radund 1%. Per pudair conservar pli ditg il paintg sa lascha el elavurar a paintg culà. In imitat industrial dal paintg furma la margarina. Quella n’è nagin product da latg, mabain in’emulsiun che consista dad aua e da differentas sorts da grass (p.ex. flur sulegl, spagnolettas, ravun u grass animalics).

(Foto: Erich Gebhard / pixelio)