Partida burgais-democratica

La Partida burgais-democratica (PBD) stat per ina politica burgaisa e pragmatica. Ella sa basa sin il dialog e fa ina politica pragmatica per la classa mesauna e per las interpresas pitschnas e mesaunas. La PBD schlargia il center e gida activamain a furmar maioritads per schliar ils problems actuals e per rinforzar la stabilitad da la Svizra. Ils resultats da las elecziuns en ils chantuns han mussà ch’igl è avant maun in basegn d’ina partida burgaisa moderna che sa differenziescha da las autras partidas tranter auter tras il fatg ch’ella s’engascha senza resalvas per in’economia sauna e per in’armada ferma e ch’ella na serra en quest connex betg ils egls davant dumondas da l’ambient e davant midadas en la societad. [Autopurtret].