Sudan

Ina lingia da l’ost encunter vest atras il Sudan separava pli baud il nord, islamic e pli sviluppà, dal sid cristian u animist. Adina puspè, il davos davent dal 1983, ha il sid resistì al nord che leva sa patrunar da ses ieli e sfurzar si leschas islamicas. Il 2011 ha il Sudan dal Sid cuntanschì si'independenza. Ma quai ha stimulà pievels nairs dal Darfur islamic, regiun periferica sper il cunfin da Tschad, da pretender dapli autonomia. La regenza da Sudan tema che concessiuns al Darfur inciteschian autras regiuns turbulentas da rebellar. [Tenor LQ].