Vulpera

Vulpera è in vitg d'hotels e lieu da cura da bogns cun pliras funtaunas mineralas situà en vischinanza da Tarasp. Cun l'utilisaziun da las auas mineralas, iniziada suenter 1850, èn vegnids averts plirs albierts. A partir dal 1880 han Chasper e Duri Pinösch acquistà terren per la construcziun d'hotels pli gronds (1896-97 Waldhaus, incendià il 1989; 1898-1900 Schweizerhof, engrondì il 1912-13; 1902 Villa Engiadina). Vulpera ha vivì ina fluriziun fin a l'Emprima Guerra mundiala ed è sa remess mo plaun da la crisa subsequenta. [Tenor e-lir].

(Foto: Adrian Michael / CC BY-SA 3.0)