Epocas da l'istorgia grischuna

Il territori dal Grischun dad oz è vegnì populà en il temp da crap tardiv da pievels da differenta provegnientscha (numnads pli tard, tranter auter dals Romans, cun il term nunexact Rets) ed è vegnì suttamess 15 a.C. da l’armada romana sut Drusus e Tiberius. Ils artitgels en agiunta preschentan las singulas epocas istoricas dal territori grischun: il temp preistoric, l’epoca romana, la Currezia medievala, la Republica da las Trais Lias (1524–1798), il chantun Rezia (1799–1803) ed il chantun Grischun (a partir dal 1803).